Rreth nesh
Mbi 22 vite pranë fëmijëve dhe familjeve.
In Focus është një qendër e vogël në zemër të Tiranës, ku çdo fëmijë vjen me ritmin e tij. Ne nuk nxitojmë. Fillojmë duke dëgjuar, njohim fëmijën përmes lojës dhe ndërtojmë hap pas hapi atë që i duhet.
Prindërit janë pjesë e çdo hapi. Disa familje na shkruajnë ende, edhe më shumë se dhjetë vite pasi kemi punuar bashkë.
22+
vite përvojë në zhvillimin e fëmijës
1
fëmijë në fokus, çdo herë
Çfarë n'a udhëheq
Qetësi dhe ngrohtësi
Një ambient i butë, ku fëmija ndihet i sigurt përpara se të mësojë.
Hapa të vegjël
Çdo përparim, sado i vogël, ka rëndësi dhe e festojmë bashkë.
Familja në qendër
Ju japim ide dhe mbështetje që puna të vazhdojë edhe në shtëpi.
Fjalë zemre
Çfarë n'a shkruajnë prindërit.
Tilda jonë! Ke qenë për ne si një rreze drite, si dielli i ditës. Lum kush të ka pasur pranë, qoftë edhe për një periudhë të shkurtër.
Nëse ka një zgjedhje që bëra para 13 vitesh, ishte zgjedhja jote. Kam marrë aq shumë nga ti. Ngado që shkoj, askush nuk të arrin.
Dje nisëm rrugëtimin e ri dhe djali bëri hapa gjigantë. Me punën tënde mbjell fara kudo, që rriten pemë të forta, me rrënjë të thella.
Matilda, faleminderit shumë, e dashur. Je bekim për familjen tonë.
Të falënderoj nga zemra, Tilda! Uroj që çdo familje si e jona të ketë fatin të ndihmohet prej teje.
Faleminderit për punën tënde, që ndihet çdo ditë! Të përmendim çdo herë, Matilda e dashur.
Faleminderit shumë, e dashur, për ndihmën e madhe dhe këshillat e tua të vyera!
Hapi i parë? Një bisedë.
Nuk keni pse t’i keni të gjitha përgjigjet. Na tregoni çfarë ju shqetëson dhe le ta mendojmë bashkë hapin e radhës.